barson tap-e-alam ke shoalon mein tapa hun

barsoñ tap-e-ālām ke sho.aloñ meñ tapā huuñ

jab jā ke maiñ ḳhurshīd-e-jahāñ-tāb banā huuñ

kal jāda-e-hastī kā maiñ ḳhud rāh-numā thā

aaj apnī hī hastī kā pata pūchh rahā huuñ

kal tak thā ziyā-bār tumheñ yaad to hogā

ye maan liyā aaj maiñ bujhtā sā diyā huuñ

hairat kī hai ye baat ki tanvīr-e-sahar meñ

maiñ aaj sitāroñ kī tarah Duub rahā huuñ

duniyā kī haqīqat ko vo samjhegā bhalā kyā

jis ko nahīñ mā'lūm ki maiñ kaun huuñ kyā huuñ

barson tap-e-alam ke shoalon mein tapa hun

jab ja ke main KHurshid-e-jahan-tab bana hun

kal jada-e-hasti ka main KHud rah-numa tha

aaj apni hi hasti ka pata puchh raha hun

kal tak tha ziya-bar tumhein yaad to hoga

ye man liya aaj main bujhta sa diya hun

hairat ki hai ye baat ki tanwir-e-sahar mein

main aaj sitaron ki tarah Dub raha hun

duniya ki haqiqat ko wo samjhega bhala kya

jis ko nahin ma'lum ki main kaun hun kya hun