bas ek bar uThen samna hi kar Dalen

bas ek baar uTheñ sāmnā hī kar Dāleñ

vabāl-e-jān hai Dar ḳhātma hī kar Dāleñ

qubūliyat ko sunā hai ki zid duā se hai

to kyuuñ na aisā kareñ bad-duā hī kar Dāleñ

khisakte lamhoñ se ye zindagī ne pūchh liyā

haqīr ham haiñ ki tum faisla hī kar Dāleñ

nishāt-o-kaif ke sāmān an-qarīb kahāñ

ab iḳhtisār-e-saf-e-madduā hī kar Dāleñ

irāda kar jo liyā tark-e-ḳhud-kalāmī kā

to yād-e-māzī kā ġham maktiba hī kar Dāleñ

'asar' zabān ko dushvāriyāñ bhī haiñ lāhiq

so ehtimām koī dūsrā hī kar Dāleñ

bas ek bar uThen samna hi kar Dalen

wabaal-e-jaan hai Dar KHatma hi kar Dalen

qubuliyat ko suna hai ki zid dua se hai

to kyun na aisa karen bad-dua hi kar Dalen

khisakte lamhon se ye zindagi ne puchh liya

haqir hum hain ki tum faisla hi kar Dalen

nishat-o-kaif ke saman an-qarib kahan

ab iKHtisar-e-saf-e-maddua hi kar Dalen

irada kar jo liya tark-e-KHud-kalami ka

to yaad-e-mazi ka gham maktiba hi kar Dalen

'asar' zaban ko dushwariyan bhi hain lahiq

so ehtimam koi dusra hi kar Dalen