bas ek jism ek hi qad mein paDa rahun

bas ek jism ek hī qad meñ paḌā rahūñ

behad huuñ maiñ to kyuuñ kisī had meñ paḌā rahūñ

sub.h-e-azal hai kab se mire intizār meñ

jī chāhtā hai tāq-e-abad meñ paḌā rahūñ

ik roz tañg aa ke mujhe sochnā paḌā

kab tak maiñ apnī sohbat-e-bad meñ paḌā rahūñ

aage nikaltā jaatā huuñ maiñ apne-āp se

ab dar-guzar karūñ ki hasad meñ paḌā rahūñ

be-sūd ho gayā huuñ to hāsil kahāñ gayā

ai asal zar maiñ kaun sī mad meñ paḌā rahūñ

bas ek jism ek hi qad mein paDa rahun

behad hun main to kyun kisi had mein paDa rahun

subh-e-azal hai kab se mere intizar mein

ji chahta hai taq-e-abad mein paDa rahun

ek roz tang aa ke mujhe sochna paDa

kab tak main apni sohbat-e-bad mein paDa rahun

aage nikalta jata hun main apne-ap se

ab dar-guzar karun ki hasad mein paDa rahun

be-sud ho gaya hun to hasil kahan gaya

ai asal zar main kaun si mad mein paDa rahun