bas har ek raat yahi jurm kiya hai maine

bas har ik raat yahī jurm kiyā hai maiñ ne

lā ke ḳhvāboñ meñ tujhe dekh liyā hai maiñ ne

har baras ziist kā lamha sā lagā hai lekin

ba.az lamhoñ meñ to sadiyoñ ko jiyā hai maiñ ne

chhūTe jaate haiñ sabhī ahl-e-ḳharābāt-e-junūñ

kyā 'ajab 'aql se saudā ye kiyā hai maiñ ne

sāġhar-e-marg ko suqrāt ne pī kar ye kahā

zindagī tere liye zahr piyā hai maiñ ne

apne har ḳhvāb kī tā'bīr ko paane ke liye

ik samundar thā jise paar kiyā hai maiñ ne

tum nahīñ jānte maqtal se Darāne vaalo

jaañ kā nazrāna ka.ī baar diyā hai maiñ ne

kaise mumkin hai ki maiñ tujh se tirī baat karūñ

tere kahne pe to hoñToñ ko siyā hai maiñ ne

mai-kashī meñ bhī ka.ī daur guzāre 'ādil'

kabhī chullū kabhī sāġhar se piyā hai maiñ ne

bas har ek raat yahi jurm kiya hai main ne

la ke KHwabon mein tujhe dekh liya hai main ne

har baras zist ka lamha sa laga hai lekin

baz lamhon mein to sadiyon ko jiya hai main ne

chhuTe jate hain sabhi ahl-e-KHarabaat-e-junun

kya 'ajab 'aql se sauda ye kiya hai main ne

saghar-e-marg ko suqraat ne pi kar ye kaha

zindagi tere liye zahr piya hai main ne

apne har KHwab ki ta'bir ko pane ke liye

ek samundar tha jise par kiya hai main ne

tum nahin jaante maqtal se Darane walo

jaan ka nazrana kai bar diya hai main ne

kaise mumkin hai ki main tujh se teri baat karun

tere kahne pe to honTon ko siya hai main ne

mai-kashi mein bhi kai daur guzare 'adil'

kabhi chullu kabhi saghar se piya hai main ne