bas ho bhi chukin hasrat-e-parwaz ki baaten

bas ho bhī chukīñ hasrat-e-parvāz kī bāteñ

phir chheḌ kisī anjuman-e-nāz kī bāteñ

uryānī-e-ehsās hai kuchh husn na kuchh ishq

ye raaz kī bāteñ haiñ na vo raaz kī bāteñ

saada sā mazedār sā ik shaḳhs ho jaise

sunte haiñ vo kis lutf se ġhammāz kī bāteñ

kuchh zauq bhī ibrat kā tabī.at meñ hai baaqī

kuchh zauq kī hāmil bhī haiñ tannāz kī bāteñ

mutrib jo hunar-mand ho dam-sāz ho phir dekh

har saaz meñ mastūr haiñ har saaz kī bāteñ

pāmāl ye jaane ki sar-afrāz hai vo bhī

pāmāl se yuuñ kiije sar-afrāz kī bāteñ

bas ho bhi chukin hasrat-e-parwaz ki baaten

phir chheD kisi anjuman-e-naz ki baaten

uryani-e-ehsas hai kuchh husn na kuchh ishq

ye raaz ki baaten hain na wo raaz ki baaten

sada sa mazedar sa ek shaKHs ho jaise

sunte hain wo kis lutf se ghammaz ki baaten

kuchh zauq bhi ibrat ka tabiat mein hai baqi

kuchh zauq ki hamil bhi hain tannaz ki baaten

mutrib jo hunar-mand ho dam-saz ho phir dekh

har saz mein mastur hain har saz ki baaten

pamal ye jaane ki sar-afraaz hai wo bhi

pamal se yun kije sar-afraaz ki baaten