bas yahi soch ke KHush-bash raha jaane laga

bas yahī soch ke ḳhush-bāsh rahā jaane lagā

tujh ko afsos to ho haath se kyā jaane lagā

maiñ ne ik she'r tire naam kiyā hai jab se

merā har she'r tavajjoh se sunā jaane lagā

log ik daur meñ dīvāreñ chunā karte the

phir to dīvār meñ logoñ ko chunā jaane lagā

tujh ko ik baar mire dukh pe hañsī aa.ī thī

phir har uftād pe duniyā meñ hañsā jaane lagā

maiñ ne us shaḳhs ko jaane kī ijāzat kyā dī

maiñ use bhejne vāloñ meñ ginā jaane lagā

mujh ko ik shaḳhs se milne kī bahut jaldī thī

itnī jaldī thī ki nīñdoñ meñ chalā jaane lagā

mujh ko bhagvān kā autār samajh baiThā thā

aañkh jhapkī to parastār uThā jaane lagā

jaise shahroñ ke kabhī naam paḌā karte the

aise ik din se mujhe terā kahā jaane lagā

bas yahi soch ke KHush-bash raha jaane laga

tujh ko afsos to ho hath se kya jaane laga

main ne ek she'r tere nam kiya hai jab se

mera har she'r tawajjoh se suna jaane laga

log ek daur mein diwaren chuna karte the

phir to diwar mein logon ko chuna jaane laga

tujh ko ek bar mere dukh pe hansi aai thi

phir har uftad pe duniya mein hansa jaane laga

main ne us shaKHs ko jaane ki ijazat kya di

main use bhejne walon mein gina jaane laga

mujh ko ek shaKHs se milne ki bahut jaldi thi

itni jaldi thi ki nindon mein chala jaane laga

mujh ko bhagwan ka autar samajh baiTha tha

aankh jhapki to parastar uTha jaane laga

jaise shahron ke kabhi nam paDa karte the

aise ek din se mujhe tera kaha jaane laga