basa ke tujhko KHayalon mein pyar karte rahe

basā ke tujh ko ḳhayāloñ meñ pyaar karte rahe

jo saarī raat tirā intizār karte rahe

sajā ke hijr ke gulshan meñ terī yaad ke phuul

ḳhizāñ kī rut ko bhī fasl-e-bahār karte rahe

shahīd haiñ vo ḳhudā kī qasam shahīd haiñ vo

jo terī raah meñ jaañ jaañ nisār karte rahe

lo pyaar aa hī gayā un ko bhī dam-e-āḳhir

gale lagā ke vo ḳhanjar se vaar karte rahe

mujhe to apnī mohabbat pe e'tibār na thā

vo kaun the jo mirā e'tibār karte rahe

haañ jī ga.e haiñ vahī log zindagī 'haidar'

jo rāh-e-'ishq se har dam farār karte rahe

basa ke tujh ko KHayalon mein pyar karte rahe

jo sari raat tera intizar karte rahe

saja ke hijr ke gulshan mein teri yaad ke phul

KHizan ki rut ko bhi fasl-e-bahaar karte rahe

shahid hain wo KHuda ki qasam shahid hain wo

jo teri rah mein jaan jaan nisar karte rahe

lo pyar aa hi gaya un ko bhi dam-e-aKHir

gale laga ke wo KHanjar se war karte rahe

mujhe to apni mohabbat pe e'tibar na tha

wo kaun the jo mera e'tibar karte rahe

han ji gae hain wahi log zindagi 'haidar'

jo rah-e-'ishq se har dam farar karte rahe