bashar ho ishq-e-baham ki satah pe aao kabhi

bashar ho ishq-e-baham kī satah pe aao kabhī

kabhī to shikva karo tum gila jatāo kabhī

udaas shaam mire intizār meñ guzrī

niyāz-e-husn kā ye ruḳh bhī to dikhāo kabhī

mirā bhī dāva-e-ulfat koī vah.y to nahīñ

tumheñ bhī haq hai mujhe tum bhī āzmāo kabhī

yaqīñ ho dil ko ki donoñ taraf hī chāhat hai

jo mil ke jaao to betāb lauT aao kabhī

parind gaa.eñ daraḳhtoñ pe phuul phal aa.eñ

ġhilāf-e-ḳhauf chaman se jo tum uThāo kabhī

mohabbatoñ ke mahal nūr-e-ruḳh se raushan haiñ

mohabbatoñ ke khañDar ko bhī jagmagāo kabhī

ajab hai khel mohabbat kā is meñ haar hī jiit

kabhī na jītnā chāho jo haar jaao kabhī

bashar ho ishq-e-baham ki satah pe aao kabhi

kabhi to shikwa karo tum gila jatao kabhi

udas sham mere intizar mein guzri

niyaz-e-husn ka ye ruKH bhi to dikhao kabhi

mera bhi dawa-e-ulfat koi wahy to nahin

tumhein bhi haq hai mujhe tum bhi aazmao kabhi

yaqin ho dil ko ki donon taraf hi chahat hai

jo mil ke jao to betab lauT aao kabhi

parind gaen daraKHton pe phul phal aaen

ghilaf-e-KHauf chaman se jo tum uThao kabhi

mohabbaton ke mahal nur-e-ruKH se raushan hain

mohabbaton ke khanDar ko bhi jagmagao kabhi

ajab hai khel mohabbat ka is mein haar hi jit

kabhi na jitna chaho jo haar jao kabhi