basti mein zindagi ke nishan tak nahin rahe

bastī meñ zindagī ke nishāñ tak nahīñ rahe

aisī havā chalī ki makāñ tak nahīñ rahe

sailāb saath le gayā sāhil ko is liye

tinkoñ se mirā rabt vahāñ tak nahīñ rahe

sūraj hañsā to raat ke saa.e tamām-tar

yuuñ miT ga.e ki un ke nishāñ tak nahīñ rahe

apnā shu.ūr-o-fikr hai apnī udheḌ-bun

ham log ab kisī pe garāñ tak nahīñ rahe

kī jin ke izz-o-shān kī tārīf umr bhar

vo chāhte haiñ merī zabāñ tak nahīñ rahe

bachche bhī maañ kī baat se ab muttafiq nahīñ

chūlhā jale to ghar meñ dhuāñ tak nahīñ rahe

us ne kalām aise hunar se kiyā 'asar'

lafzoñ ke tiir sirf zabāñ tak nahīñ rahe

basti mein zindagi ke nishan tak nahin rahe

aisi hawa chali ki makan tak nahin rahe

sailab sath le gaya sahil ko is liye

tinkon se mera rabt wahan tak nahin rahe

suraj hansa to raat ke sae tamam-tar

yun miT gae ki un ke nishan tak nahin rahe

apna shuur-o-fikr hai apni udheD-bun

hum log ab kisi pe garan tak nahin rahe

ki jin ke izz-o-shan ki tarif umr bhar

wo chahte hain meri zaban tak nahin rahe

bachche bhi man ki baat se ab muttafiq nahin

chulha jale to ghar mein dhuan tak nahin rahe

us ne kalam aise hunar se kiya 'asar'

lafzon ke tir sirf zaban tak nahin rahe