bata dunga meri sab nekiyan bhi

batā dūñgā mirī sab nekiyāñ bhī

magar haiñ dost mujh meñ ḳhāmiyāñ bhī

qayāmat duur bilkul bhī nahīñ hai

agar maarī ga.iiñ yuuñ beTiyāñ bhī

kabhī tum ġhaur se lafzoñ ko dekho

chhupā hai dard un ke darmiyāñ bhī

tujhe to yaad ab maiñ bhī nahīñ huuñ

mujhe haiñ yaad terī chūḌiyāñ bhī

kiyā thā sham' par bārish ne hamla

bujhāne meñ lagī thiiñ āñdhiyāñ bhī

mujhe ab bhūlne kī Thaan lī kyā

nahīñ aatī haiñ ab to hichkiyāñ bhī

batā.ūñ laḌkiyo ik baat tum ko

laḌo to toḌ do tum beḌiyāñ bhī

na jaao kah rahī thiiñ terī āñkheñ

ishāre kar rahī thiiñ bāliyāñ bhī

'vijay' kā pyaar hī thā vo to keval

yahāñ to TūTtī haiñ shādiyāñ bhī

bata dunga meri sab nekiyan bhi

magar hain dost mujh mein KHamiyan bhi

qayamat dur bilkul bhi nahin hai

agar mari gain yun beTiyan bhi

kabhi tum ghaur se lafzon ko dekho

chhupa hai dard un ke darmiyan bhi

tujhe to yaad ab main bhi nahin hun

mujhe hain yaad teri chuDiyan bhi

kiya tha sham' par barish ne hamla

bujhane mein lagi thin aandhiyan bhi

mujhe ab bhulne ki Than li kya

nahin aati hain ab to hichkiyan bhi

bataun laDkiyo ek baat tum ko

laDo to toD do tum beDiyan bhi

na jao kah rahi thin teri aankhen

ishaare kar rahi thin baaliyan bhi

'wijay' ka pyar hi tha wo to kewal

yahan to TuTti hain shadiyan bhi