bata rakkha hai maine zindagi ko

batā rakkhā hai maiñ ne zindagī ko

maiñ phir se vaqt dūñgā shā.erī ko

na jaane kis ghaḌī tum se milā thā

yaqīñ aatā nahīñ ab bhī ghaḌī ko

maiñ ḳhvāboñ meñ samundar dekhtā huuñ

yaqīnan dil diyā hai jal-parī ko

ḳhudā ko dekhnā hogā tamāsha

banāyā hai jo us ne aadmī ko

tire jaane ke dukh se hans rahā huuñ

tamāsha kar diyā sīna-zanī ko

miTā kar tīrgī ko har jagah se

akelā kar diyā hai raushnī ko

mirī āñkhoñ meñ koī rah rahā hai

banā rakhā hai us ne ghar nadī ko

bata rakkha hai main ne zindagi ko

main phir se waqt dunga shaeri ko

na jaane kis ghaDi tum se mila tha

yaqin aata nahin ab bhi ghaDi ko

main KHwabon mein samundar dekhta hun

yaqinan dil diya hai jal-pari ko

KHuda ko dekhna hoga tamasha

banaya hai jo us ne aadmi ko

tere jaane ke dukh se hans raha hun

tamasha kar diya sina-zani ko

miTa kar tirgi ko har jagah se

akela kar diya hai raushni ko

meri aankhon mein koi rah raha hai

bana rakha hai us ne ghar nadi ko