batlaenge hum ki kya nahin the

batlā.eñge ham ki kyā nahīñ the

sab kuchh the faqat ḳhudā nahīñ the

āfāt ne dhar liyā hai jabki

ham dard se āshnā nahīñ the

āvāz the ham bhī bulbuloñ kī

aahū kī magar sadā nahīñ the

vo kar ke sitam the ham se nālāñ

ham sah ke sitam ḳhafā nahīñ the

ik daur thā apnī zindagī thī

jab ishq meñ mubtalā nahīñ the

ummīd thī jin se rahbarī kī

rahzan the vo rahnumā nahīñ the

batlaenge hum ki kya nahin the

sab kuchh the faqat KHuda nahin the

aafat ne dhar liya hai jabki

hum dard se aashna nahin the

aawaz the hum bhi bulbulon ki

aahu ki magar sada nahin the

wo kar ke sitam the hum se nalan

hum sah ke sitam KHafa nahin the

ek daur tha apni zindagi thi

jab ishq mein mubtala nahin the

ummid thi jin se rahbari ki

rahzan the wo rahnuma nahin the