bazm-e-alam mein bahut se humne mare hath-paon

bazm-e-ālam meñ bahut se ham ne maare hāth-pāoñ

terī sūrat ke na dekhe pyāre pyāre hāth-pāoñ

bahr-e-ulfat meñ bahut se ham ne maare hāth-pāoñ

lag rahe mānind-e-ḳhas āḳhir kināre hāth-pāoñ

āshiq mū-e-kamar kī le ḳhabar o be-ḳhabar

suukh kar tinkā hue haiñ us ke saare hāth-pāoñ

merī ḳhidmat se nihāyat ḳhush huā vo bad-mizāj

vasl kī shab kaam aa.e apne baare hāth-pāoñ

bahr-e-hastī meñ milā ham ko dur-e-maqsad na haif

mauj ke mānind kyā kyā ham ne maare hāth-pāoñ

vaqt-e-zab.h bolā ye qātil āshiq-e-nād-shād se

TukḌe kar Daalā kabhī tū ne jo maare hāth-pāoñ

khel rahtā hai tavakkul par mirī auqāt kā

chalte-phirte haiñ hamāre be-sahāre hāth-pāoñ

tīkhī tīkhī un kī chitvan bāñkī bāñkī un kī chaal

bholī bholī un kī sūrat pyāre pyāre hāth-pāoñ

bazm-e-alam mein bahut se hum ne mare hath-paon

teri surat ke na dekhe pyare pyare hath-paon

bahr-e-ulfat mein bahut se hum ne mare hath-paon

lag rahe manind-e-KHas aaKHir kinare hath-paon

aashiq mu-e-kamar ki le KHabar o be-KHabar

sukh kar tinka hue hain us ke sare hath-paon

meri KHidmat se nihayat KHush hua wo bad-mizaj

wasl ki shab kaam aae apne bare hath-paon

bahr-e-hasti mein mila hum ko dur-e-maqsad na haif

mauj ke manind kya kya hum ne mare hath-paon

waqt-e-zabh bola ye qatil aashiq-e-nad-shad se

TukDe kar Dala kabhi tu ne jo mare hath-paon

khel rahta hai tawakkul par meri auqat ka

chalte-phirte hain hamare be-sahaare hath-paon

tikhi tikhi un ki chitwan banki banki un ki chaal

bholi bholi un ki surat pyare pyare hath-paon