bazm-e-ahbab bhi mere liye tanhai hai

bazm-e-ahbāb bhī mere liye tanhā.ī hai

maiñ ne iḳhlās kī kyā ḳhuub sazā paa.ī hai

jaane kyoñ pahlī mulāqāt meñ ehsās huā

āj-kal kī nahīñ barsoñ kī shanāsā.ī hai

shukr hai terā sabā tū ne ye ehsās kiyā

ḳhushbū-e-zulf-e-sanam le ke idhar aa.ī hai

duur ho jā.egī tārīkī shab-e-hijrāñ kī

aa mire chāñd ki suunī mirī añgnā.ī hai

dil khiñchā jaatā hai ab kūcha-e-qātil kī taraf

dekhiye aaj qazā le ke kahāñ aa.ī hai

ab karo band bhī āñkhoñ ke darīche 'monis'

mahfileñ ḳhatm huiiñ ālam-e-tanhā.ī hai

bazm-e-ahbab bhi mere liye tanhai hai

main ne iKHlas ki kya KHub saza pai hai

jaane kyon pahli mulaqat mein ehsas hua

aaj-kal ki nahin barson ki shanasai hai

shukr hai tera saba tu ne ye ehsas kiya

KHushbu-e-zulf-e-sanam le ke idhar aai hai

dur ho jaegi tariki shab-e-hijran ki

aa mere chand ki suni meri angnai hai

dil khincha jata hai ab kucha-e-qatil ki taraf

dekhiye aaj qaza le ke kahan aai hai

ab karo band bhi aankhon ke dariche 'monis'

mahfilen KHatm huin aalam-e-tanhai hai