bazm mein sare hi ba-hosh nazar aate hain

bazm meñ saare hī bā-hosh nazar aate haiñ

sab adab kī mujhe āġhosh nazar aate haiñ

oḌh lete haiñ mohabbat kī vo chādar aisī

jo haiñ darvesh vo ḳhāmosh nazar aate haiñ

jin ko chalnā thā mirī qaum kā rahbar ban kar

haañ vahī log subuk-dosh nazar aate haiñ

apne rahbar to yahāñ karte nahīñ haiñ kuchh bhī

bolne meñ to ye pur-josh nazar aate haiñ

dost ahbāb kiyā karte haiñ vā'de lekin

vaqt-e-mushkil meñ vo mad.hosh nazar aate haiñ

'ilm ke jo bhī samundar haiñ zamāne-bhar meñ

un ko jab dekho to ḳhāmosh nazar aate haiñ

un se ummīd-e-vafā bhī to nahīñ kar sakte

vo to ehsān-farāmosh nazar aate haiñ

jaan dete haiñ 'hunar' haq pe jo marte hī nahīñ

merī āñkhoñ se vo rū-posh nazar aate haiñ

bazm mein sare hi ba-hosh nazar aate hain

sab adab ki mujhe aaghosh nazar aate hain

oDh lete hain mohabbat ki wo chadar aisi

jo hain darwesh wo KHamosh nazar aate hain

jin ko chalna tha meri qaum ka rahbar ban kar

han wahi log subuk-dosh nazar aate hain

apne rahbar to yahan karte nahin hain kuchh bhi

bolne mein to ye pur-josh nazar aate hain

dost ahbab kiya karte hain wa'de lekin

waqt-e-mushkil mein wo madhosh nazar aate hain

'ilm ke jo bhi samundar hain zamane-bhar mein

un ko jab dekho to KHamosh nazar aate hain

un se ummid-e-wafa bhi to nahin kar sakte

wo to ehsan-faramosh nazar aate hain

jaan dete hain 'hunar' haq pe jo marte hi nahin

meri aankhon se wo ru-posh nazar aate hain