be-aman shab ka dhuan Dar ki taraf khinchta hai
be-amāñ shab kā dhuāñ Dar kī taraf khīñchtā hai
ek nādīda samundar kī taraf khīñchtā hai
dil kahīñ duur bahut duur nikal jaatā hai
vaqt tasvīr ke andar kī taraf khīñchtā hai
maiñ khurachtā huuñ hathelī se lakīroñ kā azaab
ik sitārā mujhe mehvar kī taraf khīñchtā hai
dasht-e-ehsās kī shiddat se nikalnā hai muhāl
dard biite hue manzar kī taraf khīñchtā hai
chand dhundlā.e ho.e aks haiñ pas-manzar meñ
ye koī ḳhvāb mujhe ghar kī taraf khīñchtā hai
be-aman shab ka dhuan Dar ki taraf khinchta hai
ek nadida samundar ki taraf khinchta hai
dil kahin dur bahut dur nikal jata hai
waqt taswir ke andar ki taraf khinchta hai
main khurachta hun hatheli se lakiron ka azab
ek sitara mujhe mehwar ki taraf khinchta hai
dasht-e-ehsas ki shiddat se nikalna hai muhaal
dard bite hue manzar ki taraf khinchta hai
chand dhundlae hoe aks hain pas-manzar mein
ye koi KHwab mujhe ghar ki taraf khinchta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
