be-barg-o-bar rah mein sukhe daraKHt the

be-barg-o-bār raah meñ sūkhe daraḳht the

manzil tah-e-qadam huī ham tez-baḳht the

hamle chahār samt se ham par hue magar

andar se vaar jitne hue zyāda saḳht the

the peḌ par to mujh ko bahut ḳhushnumā lage

toḌe to jitne phal the kasīle karaḳht the

so.e to yaad qaus-e-quzah meñ simaT ga.ī

jaage to jitne rañg the vo laḳht laḳht the

sar to chhupā.eñ koī kirā.e kī chhat mile

yuuñ is qadam kī zad meñ kabhī tāj-o-taḳht the

be-barg-o-bar rah mein sukhe daraKHt the

manzil tah-e-qadam hui hum tez-baKHt the

hamle chahaar samt se hum par hue magar

andar se war jitne hue zyaada saKHt the

the peD par to mujh ko bahut KHushnuma lage

toDe to jitne phal the kasile karaKHt the

soe to yaad qaus-e-quzah mein simaT gai

jage to jitne rang the wo laKHt laKHt the

sar to chhupaen koi kirae ki chhat mile

yun is qadam ki zad mein kabhi taj-o-taKHt the