be-ghar tha phir chhoD gaya ghar jaane kyun
be-ghar thā phir chhoḌ gayā ghar jaane kyuuñ
paar kiyā hai saat samundar jaane kyuuñ
āñkheñ hairāñ dil vīrāñ haiñ chehre zard
chīḳh rahā hai manzar manzar jaane kyuuñ
āñkhoñ meñ mazlūmoñ ke bas aañsū haiñ
fikr meñ hai har ek sitam-gar jaane kyuuñ
taptī riit jhulaste saa.e tund havā
ghar se niklā mom kā paikar jaane kyuuñ
phuul sā chehra jhiil sī us kī āñkheñ haiñ
yaad aatā hai mujh ko aksar jaane kyuuñ
aate jaate sab se bāteñ kartā thā
chup baiThā hai aaj qalandar jaane kyuuñ
merī ġhazleñ sun kar 'anvar' chāhat se
dekhtā hai har ek suḳhnavar jaane kyuuñ
be-ghar tha phir chhoD gaya ghar jaane kyun
par kiya hai sat samundar jaane kyun
aankhen hairan dil viran hain chehre zard
chiKH raha hai manzar manzar jaane kyun
aankhon mein mazlumon ke bas aansu hain
fikr mein hai har ek sitam-gar jaane kyun
tapti rit jhulaste sae tund hawa
ghar se nikla mom ka paikar jaane kyun
phul sa chehra jhil si us ki aankhen hain
yaad aata hai mujh ko aksar jaane kyun
aate jate sab se baaten karta tha
chup baiTha hai aaj qalandar jaane kyun
meri ghazlen sun kar 'anwar' chahat se
dekhta hai har ek suKHnawar jaane kyun
- Book : Inbisat-e-hayat (Pg. 64)
- Author : Anwar Jamal Anwar
- Publication : Anwar Jamal Anwar (2012)
- Edition : 2012
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
