be-hisi ab ke ajab dil pe koi tari hai

be-hisī ab ke 'ajab dil pe koī taarī hai

aañkh meñ ashk nahīñ kaisī 'azā-dārī hai

sub.h tak phir se hameñ jāgte rahnā hogā

aaj kī raat bhī lagtā hai bahut bhārī hai

apnī ġhurbat ko chhupā rakkhā hai is duniyā se

baḌī mushkil se sañbhālī huī ḳhuddārī hai

zā.iqa chakkhā zabāñ ne to ye mahsūs huā

paanī ashkoñ kā to sach-much hī bahut khārī hai

chhoḌ sakte ho na tum mujh ko na ab maiñ tum ko

tum hī batlāo bhalā kaisī ye lāchārī hai

tum ko mashriq meñ to maġhrib meñ mujhe lā pheñkā

dosh apnā nahīñ ye vaqt kī 'ayyārī hai

apne hisse kā har ik jaan ko sahnā hai 'azāb

aaj terī hai to phir kal ko mirī baarī hai

be-hisi ab ke 'ajab dil pe koi tari hai

aankh mein ashk nahin kaisi 'aza-dari hai

subh tak phir se hamein jagte rahna hoga

aaj ki raat bhi lagta hai bahut bhaari hai

apni ghurbat ko chhupa rakkha hai is duniya se

baDi mushkil se sanbhaali hui KHuddari hai

zaiqa chakkha zaban ne to ye mahsus hua

pani ashkon ka to sach-much hi bahut khaari hai

chhoD sakte ho na tum mujh ko na ab main tum ko

tum hi batlao bhala kaisi ye lachaari hai

tum ko mashriq mein to maghrib mein mujhe la phenka

dosh apna nahin ye waqt ki 'ayyari hai

apne hisse ka har ek jaan ko sahna hai 'azab

aaj teri hai to phir kal ko meri bari hai