be-KHudi mein jab teri mahfil mein diwane gae

be-ḳhudī meñ jab tirī mahfil meñ dīvāne ga.e

ahl-e-dil ahl-e-havas ke farq pahchāne ga.e

kaise kaise haal meñ dekhā janāb-e-shaiḳh ko

mahfil-e-rindāñ meñ jab bhī va.az farmāne ga.e

mai-kash-e-āvāra is duniyā se kyā uTh kar gayā

mai ga.ī jām-o-subū sāqī-o-mai-ḳhane ga.e

ai hasīnān-e-jahāñ ahl-e-havas se hoshiyār

varna husn-o-ishq se marbūt afsāne ga.e

faisla-kun kis qadar thī haa.e zālim kī adā

dil-jigar qalb-o-nazar ke saare afsāne ga.e

apne apne bas kī bāteñ ahl-e-mahfil jaan leñ

sham-e-mahfil ke qarīñ phir liije parvāne ga.e

zindagī-bhar 'asr' go rindoñ ke ham-mashrab rahe

phir bhī dīvānoñ meñ farzāne se gardāne ga.e

be-KHudi mein jab teri mahfil mein diwane gae

ahl-e-dil ahl-e-hawas ke farq pahchane gae

kaise kaise haal mein dekha janab-e-shaiKH ko

mahfil-e-rindan mein jab bhi waz farmane gae

mai-kash-e-awara is duniya se kya uTh kar gaya

mai gai jam-o-subu saqi-o-mai-KHane gae

ai hasinan-e-jahan ahl-e-hawas se hoshiyar

warna husn-o-ishq se marbut afsane gae

faisla-kun kis qadar thi hae zalim ki ada

dil-jigar qalb-o-nazar ke sare afsane gae

apne apne bas ki baaten ahl-e-mahfil jaan len

sham-e-mahfil ke qarin phir lije parwane gae

zindagi-bhar 'asr' go rindon ke ham-mashrab rahe

phir bhi diwanon mein farzane se gardane gae