be-nala-o-fariyaad-o-fughan rah nahin sakte

be-nāla-o-fariyād-o-fuġhāñ rah nahīñ sakte

qahr is pe ye hai is kā sabab kah nahīñ sakte

maujeñ haiñ tabī'at meñ magar uTh nahīñ saktīñ

dariyā haiñ mire dil meñ magar bah nahīñ sakte

patvār shikasta hai nahīñ tāqat-e-garmī

hai naav meñ sūrāḳh magar kah nahīñ sakte

kah doge ki hai tajraba is baat ke bar-‘aks

kyūñkar ye kaheñ zulm-o-sitam sah nahīñ sakte

'izzat kabhī vo thī ki bhulā.e se na bhūle

tahqīr ab aisī hai jise sah nahīñ sakte

be-nala-o-fariyaad-o-fughan rah nahin sakte

qahr is pe ye hai is ka sabab kah nahin sakte

maujen hain tabi'at mein magar uTh nahin saktin

dariya hain mere dil mein magar bah nahin sakte

patwar shikasta hai nahin taqat-e-garmi

hai naw mein suraKH magar kah nahin sakte

kah doge ki hai tajraba is baat ke bar-‘aks

kyunkar ye kahen zulm-o-sitam sah nahin sakte

'izzat kabhi wo thi ki bhulae se na bhule

tahqir ab aisi hai jise sah nahin sakte