be-niyazana bahakna be-KHudi ka husn hai

be-niyāzāna bahaknā be-ḳhudī kā husn hai

tauba kahte haiñ jise vo mai-kashī kā husn hai

rind ham bhī haiñ magar jām-o-subū se be-niyāz

nashshe kā idrāk hī tishna-labī kā husn hai

be-irāda maan jaanā bā.is-e-taskīñ sahī

bil-irāda ruuTh jaanā barhamī kā husn hai

hosh meñ sajda dikhāvā hai koī sajda nahīñ

sar jhukā kar bhuul jaanā bandagī kā husn hai

husn-e-fitrat kab huā nīlām itnā sochiye

jins-e-arzāñ jis ko kahiye aadmī kā husn hai

kyā huā jo husn vaale hī 'vasī' se duur duur

kab añdheroñ kī nazar meñ raushnī kā husn hai

be-niyazana bahakna be-KHudi ka husn hai

tauba kahte hain jise wo mai-kashi ka husn hai

rind hum bhi hain magar jam-o-subu se be-niyaz

nashshe ka idrak hi tishna-labi ka husn hai

be-irada man jaana bais-e-taskin sahi

bil-irada ruTh jaana barhami ka husn hai

hosh mein sajda dikhawa hai koi sajda nahin

sar jhuka kar bhul jaana bandagi ka husn hai

husn-e-fitrat kab hua nilam itna sochiye

jins-e-arzan jis ko kahiye aadmi ka husn hai

kya hua jo husn wale hi 'wasi' se dur dur

kab andheron ki nazar mein raushni ka husn hai