be-qarari hai shab-e-hijr hai tanhai hai

be-qarārī hai shab-e-hijr hai tanhā.ī hai

aaj kī raat mirī jaan pe ban aa.ī hai

be-ḳhabar hai vo mire haal se harjā.ī hai

dil hai nādāñ usī be-dard kā shaidā.ī hai

aaj āñkhoñ se mirī ashk haiñ jaarī paiham

aaj har choT mire dil kī ubhar aa.ī hai

vahshat-e-dil kā taqāzā hai ki milnā un se

ham ne sau baar na milne kī qasam khaa.ī hai

merī āvāra-mizājī ke haiñ charche har-sū

haa.e kis moḌ pe ulfat mujhe le aa.ī hai

kal vo kahte the 'ziyā' se haiñ marāsim gahre

ab vo kahte haiñ ki haañ un se shanāsā.ī hai

be-qarari hai shab-e-hijr hai tanhai hai

aaj ki raat meri jaan pe ban aai hai

be-KHabar hai wo mere haal se harjai hai

dil hai nadan usi be-dard ka shaidai hai

aaj aankhon se meri ashk hain jari paiham

aaj har choT mere dil ki ubhar aai hai

wahshat-e-dil ka taqaza hai ki milna un se

hum ne sau bar na milne ki qasam khai hai

meri aawara-mizaji ke hain charche har-su

hae kis moD pe ulfat mujhe le aai hai

kal wo kahte the 'ziya' se hain marasim gahre

ab wo kahte hain ki han un se shanasai hai