be-ruKHi had se baDhi aur sirf itna hi nahin

be-ruḳhī had se baḌhī aur sirf itnā hī nahīñ

ab to ye 'ālam hai goyā rabt kuchh thā hī nahīñ

pūchhtī hai vo nazar kyā hai mohabbat kā ma.aal

be-ḳhudī-e-‘ishq kahtī hai ki sochā hī nahīñ

hāl-e-dil nāguftanī hai ham jo kahte bhī to kyā

phir bhī ġham ye hai ki us ne ham se pūchhā hī nahīñ

bazm-e-yārāñ meñ haiñ kyā kyā tazkire chup haiñ to ham

jaise vo husn-e-dil-ārā ham ne dekhā hī nahīñ

shikva-e-begāngī jin ko hai un se kyā kaheñ

iltifāt-e-dost kā maarā panaptā hī nahīñ

husn kī har kaj-adā.ī be-ruḳhī begāngī

sa’y-e-zabt-e-ārzū thī koī samjhā hī nahīñ

kyā shikāyat kījiye us bad-gumān-e-shauq se

vo hameñ apne vafādāroñ meñ gintā hī nahīñ

saare shikve sab gile apnī jagah lekin 'salīm'

kis tarah kah duuñ ki us ko merī parvā hī nahīñ

be-ruKHi had se baDhi aur sirf itna hi nahin

ab to ye 'alam hai goya rabt kuchh tha hi nahin

puchhti hai wo nazar kya hai mohabbat ka maal

be-KHudi-e-‘ishq kahti hai ki socha hi nahin

haal-e-dil naguftani hai hum jo kahte bhi to kya

phir bhi gham ye hai ki us ne hum se puchha hi nahin

bazm-e-yaran mein hain kya kya tazkire chup hain to hum

jaise wo husn-e-dil-ara hum ne dekha hi nahin

shikwa-e-begangi jin ko hai un se kya kahen

iltifat-e-dost ka mara panapta hi nahin

husn ki har kaj-adai be-ruKHi begangi

sa’y-e-zabt-e-arzu thi koi samjha hi nahin

kya shikayat kijiye us bad-guman-e-shauq se

wo hamein apne wafadaron mein ginta hi nahin

sare shikwe sab gile apni jagah lekin 'salim'

kis tarah kah dun ki us ko meri parwa hi nahin