be-sabab humse wo ho kar jo KHafa baiThe hain

be-sabab ham se vo ho kar jo ḳhafā baiThe haiñ

ham bhī dil un kī taraf se ab uThā baiThe haiñ

kar liyā karte haiñ ka.abe ko usī jā se salām

ai sanam jab se tire kūche meñ aa baiThe haiñ

kufr-o-islām ke jhagḌe se rihā.ī paa.ī

jab se dil ik but-e-kāfir se lagā baiThe haiñ

kyā hī ārām kī jā shahr-e-ḳhamoshāñ hai vo

amn meñ haiñ jo yahāñ chain se aa baiThe haiñ

naak meñ kashmakash-e-shaiḳh-o-barahman se hai dam

ka.aba-o-dair se ham haath uThā baiThe haiñ

vo hameñ jald kareñ qatl ḳhudā de taufīq

ham bahut roz se jiine se ḳhafā baiThe haiñ

sadma-e-dāġh-e-azīzāñ na uThāne paa.e

kyā hī ḳhush haiñ jo vahāñ pahle se jā baiThe haiñ

ai falak ham kahīñ dabte haiñ tire jauroñ se

ham uThā.e hue ik but kī jafā baiThe haiñ

chaliye to le chaleñ hāthoñ pe phapole kī tarah

kyā huā mehdī agar aap lagā baiThe haiñ

ek saa.at tirī jānib se nahīñ muñh phirtā

apne ghar meñ sifat-e-qibla-numā baiThe haiñ

ishq kī bādiya-paimā.ī hai takmīl 'akbar'

toḌ kar paañv bhalā aap ye kyā baiThe haiñ

be-sabab hum se wo ho kar jo KHafa baiThe hain

hum bhi dil un ki taraf se ab uTha baiThe hain

kar liya karte hain kabe ko usi ja se salam

ai sanam jab se tere kuche mein aa baiThe hain

kufr-o-islam ke jhagDe se rihai pai

jab se dil ek but-e-kafir se laga baiThe hain

kya hi aaram ki ja shahr-e-KHamoshan hai wo

amn mein hain jo yahan chain se aa baiThe hain

nak mein kashmakash-e-shaiKH-o-barahman se hai dam

kaba-o-dair se hum hath uTha baiThe hain

wo hamein jald karen qatl KHuda de taufiq

hum bahut roz se jine se KHafa baiThe hain

sadma-e-dagh-e-azizan na uThane pae

kya hi KHush hain jo wahan pahle se ja baiThe hain

ai falak hum kahin dabte hain tere jauron se

hum uThae hue ek but ki jafa baiThe hain

chaliye to le chalen hathon pe phapole ki tarah

kya hua mehdi agar aap laga baiThe hain

ek saat teri jaanib se nahin munh phirta

apne ghar mein sifat-e-qibla-numa baiThe hain

ishq ki baadiya-paimai hai takmil 'akbar'

toD kar panw bhala aap ye kya baiThe hain