be-shaghl na zindagi basar kar

be-shaġhl na zindagī basar kar

gar ashk nahīñ to aah sar kar

de tūl-e-amal na vaqt-e-pīrī

huī sub.h fasāna muḳhtasar kar

kuchh turfa maraz hai zindagī bhī

is se jo koī chhuTā so mar kar

kā'ba ke safar meñ kyā hai zāhid

ban jaa.e to aap se safar kar

kyā dekhe hai aa.ine ko pyāre

īdhar bhī to ek dam nazar kar

vo bā.is-e-zīst shāyad aa jaa.e

ai jaan tū jā.iyo Thahar kar

fursat hai ġhanīmat aaj ġhāfil

jo ho sake naf' yā zarar kar

ye dahr hai kārgāh-e-mīnā

jo paañv rakkhe tū yaañ so Dar kar

tā'mīr pe ghar kī mar na ai dil

'qā.em' kī tarah diloñ meñ ghar kar

be-shaghl na zindagi basar kar

gar ashk nahin to aah sar kar

de tul-e-amal na waqt-e-piri

hui subh fasana muKHtasar kar

kuchh turfa maraz hai zindagi bhi

is se jo koi chhuTa so mar kar

ka'ba ke safar mein kya hai zahid

ban jae to aap se safar kar

kya dekhe hai aaine ko pyare

idhar bhi to ek dam nazar kar

wo bais-e-zist shayad aa jae

ai jaan tu jaiyo Thahar kar

fursat hai ghanimat aaj ghafil

jo ho sake naf' ya zarar kar

ye dahr hai kargah-e-mina

jo panw rakkhe tu yan so Dar kar

ta'mir pe ghar ki mar na ai dil

'qaem' ki tarah dilon mein ghar kar