be-tabiyon mein ashkon mein nalon mein ghir gae

be-tābiyoñ meñ ashkoñ meñ nāloñ meñ ghir ga.e

yā'nī ham apne chāhne vāloñ meñ ghir ga.e

aayā na ḳhvāb meñ bhī kabhī apnā kuchh ḳhayāl

ham is qadar añdheroñ ujāloñ meñ ghir ga.e

sab ahl-e-zarf rāh-e-'amal par hue ravāñ

kam-zarf idhar udhar ke ḳhayāloñ meñ ghir ga.e

un ke qadam na chuum sakīñ manzileñ kabhī

raahī jo apne paañv ke chhāloñ meñ ghir ga.e

un ko ḳhushī maiñ un kī mohabbat meñ qaid huuñ

mujh ko ḳhushī vo mere ḳhayāloñ meñ ghir ga.e

jin ko nasīb ho na sakeñ dil kī mastiyāñ

vo bad-nasīb mai ke piyāloñ meñ ghir ga.e

ik pal bhī rah sake na akele ham ai 'jigar'

nikle jo bhiiḌ se to ḳhayāloñ meñ ghir ga.e

be-tabiyon mein ashkon mein nalon mein ghir gae

ya'ni hum apne chahne walon mein ghir gae

aaya na KHwab mein bhi kabhi apna kuchh KHayal

hum is qadar andheron ujalon mein ghir gae

sab ahl-e-zarf rah-e-'amal par hue rawan

kam-zarf idhar udhar ke KHayalon mein ghir gae

un ke qadam na chum sakin manzilen kabhi

rahi jo apne panw ke chhaalon mein ghir gae

un ko KHushi main un ki mohabbat mein qaid hun

mujh ko KHushi wo mere KHayalon mein ghir gae

jin ko nasib ho na saken dil ki mastiyan

wo bad-nasib mai ke piyalon mein ghir gae

ek pal bhi rah sake na akele hum ai 'jigar'

nikle jo bhiD se to KHayalon mein ghir gae