be-tah meri nazar hai ki KHud kam-nazar hun main

be-tah mirī nazar hai ki ḳhud kam-nazar huuñ maiñ

az-bas isī ḳhayāl se zer-o-zabar huuñ maiñ

jis ko gumān hai ki maiñ huuñ sāhib-e-kamāl

us ko ḳhabar nahīñ ki bahut be-ḳhabar huuñ maiñ

farmān-e-dīd dil ko duuñ yā duuñ dimāġh ko

is baat kī samajh se abhī dūr-tar huuñ maiñ

zāhir meñ ḳhāmushī ke kisī shai meñ huuñ Dhalā

dar-asl apne aap meñ ik shor-o-shar huuñ maiñ

raushan huā ye mere suḳhan se jahān par

is daur-e-mashq-e-jaur kā ik nauhagar huuñ maiñ

taqdīr apnī mujh ko na aa.ī sañvārnī

lekin ba-zo.am-e-āp baḌā zī hunar huuñ maiñ

ai rabb-e-zul-jalāl mujhe baḳhsh āgahī

duniyā ke pech-o-ḳham meñ ulajh kar kidhar huuñ maiñ

'amjad' pe ho karam kī nazar mālik-e-jahāñ

terī atā se ḳhuub se bhī ḳhūb-tar huuñ maiñ

be-tah meri nazar hai ki KHud kam-nazar hun main

az-bas isi KHayal se zer-o-zabar hun main

jis ko guman hai ki main hun sahib-e-kamal

us ko KHabar nahin ki bahut be-KHabar hun main

farman-e-did dil ko dun ya dun dimagh ko

is baat ki samajh se abhi dur-tar hun main

zahir mein KHamushi ke kisi shai mein hun Dhala

dar-asl apne aap mein ek shor-o-shar hun main

raushan hua ye mere suKHan se jahan par

is daur-e-mashq-e-jaur ka ek nauhagar hun main

taqdir apni mujh ko na aai sanwarni

lekin ba-zoam-e-ap baDa zi hunar hun main

ai rabb-e-zul-jalal mujhe baKHsh aagahi

duniya ke pech-o-KHam mein ulajh kar kidhar hun main

'amjad' pe ho karam ki nazar malik-e-jahan

teri ata se KHub se bhi KHub-tar hun main