be tere jaan na thi jaan meri jaan ke bich

be tire jaan na thī jaan mirī jaan ke biich

aan kar phir ke jalāyā tū mujhe aan ke biich

ek din haath lagāyā thā tire dāman ko

ab talak sar hai ḳhajālat se garebān ke biich

tū ne dekhā na kabhī pyaar kī nazroñ se mujhe

jī nikal jā.egā merā isī armān ke biich

aaj āshiq ke ta.iiñ kyuuñ na kahe tū dur dur

vāsta ye hai ki motī hai tire kaan ke biich

huī zabāñ laal tire haath se khā ke biiḌā

kyā fusūñ paḌh ke khilāyā thā mujhe paan ke biich

kuchh to majnūñ ko halāvat hai vahāñ dīvāno

chhoḌ shahroñ ko jo phirtā hai bayābān ke biich

dekh 'hātim' ko bhalā tū ne burā kyuuñ maanā

kyā ḳhalal us ne kiyā aa ke tirī shaan ke biich

be tere jaan na thi jaan meri jaan ke bich

aan kar phir ke jalaya tu mujhe aan ke bich

ek din hath lagaya tha tere daman ko

ab talak sar hai KHajalat se gareban ke bich

tu ne dekha na kabhi pyar ki nazron se mujhe

ji nikal jaega mera isi arman ke bich

aaj aashiq ke tain kyun na kahe tu dur dur

wasta ye hai ki moti hai tere kan ke bich

hui zaban lal tere hath se kha ke biDa

kya fusun paDh ke khilaya tha mujhe pan ke bich

kuchh to majnun ko halawat hai wahan diwano

chhoD shahron ko jo phirta hai bayaban ke bich

dekh 'hatim' ko bhala tu ne bura kyun mana

kya KHalal us ne kiya aa ke teri shan ke bich