be-wajah dar khaTkhaTaya aapne

be-vajah dar khaTkhaTāyā aap ne

so rahe the ham jagāyā aap ne

jis jagah jhukne ko dil raazī na thā

kyoñ vahāñ sar ko jhukāyā aap ne

jāñ-balab pahle hī se thā jo to phir

tiir us par kyoñ chalāyā aap ne

pahle dāman se havā.eñ dī hameñ

ḳhuub phir dāman bachāyā aap ne

muntazir the ham qasīde ke liye

marsiya lekin sunāyā aap ne

ashk de kar muskurāhaT chhīn lī

phuul ko shabnam banāyā aap ne

ham to jo the haiñ vahī apnī kaho

kis ko paayā kyā gañvāyā aap ne

be-wajah dar khaTkhaTaya aap ne

so rahe the hum jagaya aap ne

jis jagah jhukne ko dil raazi na tha

kyon wahan sar ko jhukaya aap ne

jaan-balab pahle hi se tha jo to phir

tir us par kyon chalaya aap ne

pahle daman se hawaen di hamein

KHub phir daman bachaya aap ne

muntazir the hum qaside ke liye

marsiya lekin sunaya aap ne

ashk de kar muskurahaT chhin li

phul ko shabnam banaya aap ne

hum to jo the hain wahi apni kaho

kis ko paya kya ganwaya aap ne