be-wajh un se tark-e-mulaqat ho gai

be-vaj.h un se tark-e-mulāqāt ho ga.ī

dushman jo chāhte the vahī baat ho ga.ī

har ik nigāh vaj.h-e-savālāt ho ga.ī

donoñ rahe ḳhamosh magar baat ho ga.ī

chilman uThā uThā ke girāte rahe jo vo

din ho gayā kabhī to kabhī raat ho ga.ī

ilzām-e-bevafā.ī kā detā hī kyā javāb

kuchh āñsuoñ kī aañkh se barsāt ho ga.ī

mujh se shab-e-firāq kā 'ālam na pūchhiye

jaise hazār saal kī ik raat ho ga.ī

ḳhafagī kā un kī haal kisī ko batā.eñ kyā

ahbāb pūchhte haiñ ki kyā baat ho ga.ī

hote hī kaise un kī tajallī se faizyāb

jab tāb-e-dīd nazr-e-hijābāt ho ga.ī

vo aa ga.e to itnī ḳhabar bhī nahīñ rahī

kab din guzar gayā 'razī' kab raat ho ga.ī

be-wajh un se tark-e-mulaqat ho gai

dushman jo chahte the wahi baat ho gai

har ek nigah wajh-e-sawalat ho gai

donon rahe KHamosh magar baat ho gai

chilman uTha uTha ke giraate rahe jo wo

din ho gaya kabhi to kabhi raat ho gai

ilzam-e-bewafai ka deta hi kya jawab

kuchh aansuon ki aankh se barsat ho gai

mujh se shab-e-firaq ka 'alam na puchhiye

jaise hazar sal ki ek raat ho gai

KHafagi ka un ki haal kisi ko bataen kya

ahbab puchhte hain ki kya baat ho gai

hote hi kaise un ki tajalli se faizyab

jab tab-e-did nazr-e-hijabaat ho gai

wo aa gae to itni KHabar bhi nahin rahi

kab din guzar gaya 'razi' kab raat ho gai