be-yaqini ka har ek samt asar jagta hai
be-yaqīnī kā har ik samt asar jāgtā hai
aisī vahshat hai ki dīvār meñ dar jāgtā hai
shaam ko khulte haiñ dar aur kisī duniyā ke
raat ko fikr kā be-ant safar jāgtā hai
jis ko chāheñ ye use apnā banā saktī haiñ
terī āñkhoñ ke samundar meñ hunar jāgtā hai
ho na jaa.e kahīñ mismār ye is bārish meñ
ghar kī buniyād meñ ḳhāmosh khañDar jāgtā hai
ik nayā hausla detī hai shikasta-pā.ī
paañv zaḳhmī hoñ to phir azm-e-safar jāgtā hai
tujh ko darkār hai ik niiñd kī golī 'nāsir'
jism sotā hai tirā zehn magar jāgtā hai
be-yaqini ka har ek samt asar jagta hai
aisi wahshat hai ki diwar mein dar jagta hai
sham ko khulte hain dar aur kisi duniya ke
raat ko fikr ka be-ant safar jagta hai
jis ko chahen ye use apna bana sakti hain
teri aankhon ke samundar mein hunar jagta hai
ho na jae kahin mismar ye is barish mein
ghar ki buniyaad mein KHamosh khanDar jagta hai
ek naya hausla deti hai shikasta-pai
panw zaKHmi hon to phir azm-e-safar jagta hai
tujh ko darkar hai ek nind ki goli 'nasir'
jism sota hai tera zehn magar jagta hai
- Book : Pakistani Adab (Pg. 699)
- Author : Dr. Rashid Amjad
- Publication : Pakistan Academy of Letters, Islambad, Pakistan (2009)
- Edition : 2009
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
