bech kar aankhen kamai raushni

bech kar āñkheñ kamā.ī raushnī

ye hameñ kis samt laa.ī raushnī

apnā sūraj ḳhud banā leñge magar

ham nahīñ leñge parā.ī raushnī

kī nigahbānī diye kī raat din

ḳhūn-e-dil sīñchā banā.ī raushnī

un ke aane kī ḳhabar jab bhī milī

ham ne raste meñ bichā.ī raushnī

ūñghtī dam toḌtī ik raat meñ

terī āñkhoñ ne dikhā.ī raushnī

nīlgūñ ko surḳh ham ne kar diyā

kal ufuq par yuuñ ghumā.ī raushnī

'ishq ne yuuñ ḳhāl-o-ḳhad chamkā diye

jaise rag-rag meñ samā.ī raushnī

apne man ko hī TaTolā raat din

apne andar hī jagā.ī raushnī

ek taarā bhar liyā thā maañg meñ

aur dāman meñ chhupā.ī raushnī

toḌ kar sapnoñ kī saarī bastiyāñ

kis ne malbe se uThā.ī raushnī

'ilm ke badle jahālat mol lī

haa.e tum ne bech khaa.ī raushnī

jab huī nazr-e-karam us chāñd kī

raushnī meñ phir nahā.ī raushnī

sach sunā hai shā'irī ilhām hai

she'r ne dil meñ jagā.ī raushnī

ham ne 'ambar' aane vāloñ ke liye

kitnī mushkil se bachā.ī raushnī

bech kar aankhen kamai raushni

ye hamein kis samt lai raushni

apna suraj KHud bana lenge magar

hum nahin lenge parai raushni

ki nigahbani diye ki raat din

KHun-e-dil sincha banai raushni

un ke aane ki KHabar jab bhi mili

hum ne raste mein bichai raushni

unghti dam toDti ek raat mein

teri aankhon ne dikhai raushni

nilgun ko surKH hum ne kar diya

kal ufuq par yun ghumai raushni

'ishq ne yun KHal-o-KHad chamka diye

jaise rag-rag mein samai raushni

apne man ko hi TaTola raat din

apne andar hi jagai raushni

ek tara bhar liya tha mang mein

aur daman mein chhupai raushni

toD kar sapnon ki sari bastiyan

kis ne malbe se uThai raushni

'ilm ke badle jahaalat mol li

hae tum ne bech khai raushni

jab hui nazr-e-karam us chand ki

raushni mein phir nahai raushni

sach suna hai sha'iri ilham hai

she'r ne dil mein jagai raushni

hum ne 'ambar' aane walon ke liye

kitni mushkil se bachai raushni