bekar na jaengi ab waqt ki taqriren

bekār na jā.eñgī ab vaqt kī taqrīreñ

zehnoñ pe ubhar aa.iiñ kuchh fikr kī tahrīreñ

ai ahl-e-sitam sun lo paiġhām-e-taġhayyur haiñ

zindān-e-taḳhayyul meñ bajtī huī zanjīreñ

kab hoñgī ḳhudā jaane dīvāroñ pe āvezāñ

ehsās-e-mohabbat kī bikhrī huī tasvīreñ

har shaḳhs kī ġhaflat ko ab sāmne le aa.eñ

simTī huī tadbīreñ Thahrī huī taqdīreñ

jo dil kā lahū pī kar barsoñ meñ palīñ 'rāje'

tārīk fazāoñ par jhapTeñ to vo tanvīreñ

bekar na jaengi ab waqt ki taqriren

zehnon pe ubhar aain kuchh fikr ki tahriren

ai ahl-e-sitam sun lo paigham-e-taghayyur hain

zindan-e-taKHayyul mein bajti hui zanjiren

kab hongi KHuda jaane diwaron pe aawezan

ehsas-e-mohabbat ki bikhri hui taswiren

har shaKHs ki ghaflat ko ab samne le aaen

simTi hui tadbiren Thahri hui taqdiren

jo dil ka lahu pi kar barson mein palin 'raje'

tarik fazaon par jhapTen to wo tanwiren