bewafa main bhi sahi tujh mein wafa bhi to nahin

bevafā maiñ bhī sahī tujh meñ vafā bhī to nahīñ

zindagī tujh se magar mujh ko gila bhī to nahīñ

mujh se behtar koī mil jaa.e tujhe mumkin hai

mujh ko tujh jaisā abhī koī milā bhī to nahīñ

kyoñ na bhaTkūñ maiñ ki sunsānoñ bharī vaadī meñ

jo ubhāre mujhe ab aisī sadā bhī to nahīñ

jab ye ummīd thī jo māñgūñgā hogā maqbūl

haath bhī uTh na sake lab pe duā bhī to nahīñ

maiñ bhī ḳhāmosh rahā mujh ko hai ehsās magar

aur kahtā bhī kyā kuchh tum ne kahā bhī to nahīñ

ab parakh merī vafāoñ kī bhalā kaise ho

ab vo paimāna ho kyā tujh meñ jafā bhī to nahīñ

ham ko auroñ meñ bahut aib nazar aatā hai

jo thī is desh meñ pahle vo fazā bhī to nahīñ

kam nahīñ mard to aurat bhī kahāñ kuchh kam hai

is meñ gar sharm nahīñ us meñ hayā bhī to nahīñ

tujh se ai dost mujhe aur ho ummīd bhī kyā

haq-shanāsī kā vo ab daur rahā bhī to nahīñ

ek muddat se tarastī haiñ nigāheñ us ko

chhoḌ kar mujh ko magar duur gayā bhī to nahīñ

DhūñDhnā bhī hai use umr kī had tak 'anvar'

aur DhūñDūñ bhī kahāñ koī pata bhī to nahīñ

bewafa main bhi sahi tujh mein wafa bhi to nahin

zindagi tujh se magar mujh ko gila bhi to nahin

mujh se behtar koi mil jae tujhe mumkin hai

mujh ko tujh jaisa abhi koi mila bhi to nahin

kyon na bhaTkun main ki sunsanon bhari wadi mein

jo ubhaare mujhe ab aisi sada bhi to nahin

jab ye ummid thi jo mangunga hoga maqbul

hath bhi uTh na sake lab pe dua bhi to nahin

main bhi KHamosh raha mujh ko hai ehsas magar

aur kahta bhi kya kuchh tum ne kaha bhi to nahin

ab parakh meri wafaon ki bhala kaise ho

ab wo paimana ho kya tujh mein jafa bhi to nahin

hum ko auron mein bahut aib nazar aata hai

jo thi is desh mein pahle wo faza bhi to nahin

kam nahin mard to aurat bhi kahan kuchh kam hai

is mein gar sharm nahin us mein haya bhi to nahin

tujh se ai dost mujhe aur ho ummid bhi kya

haq-shanasi ka wo ab daur raha bhi to nahin

ek muddat se tarasti hain nigahen us ko

chhoD kar mujh ko magar dur gaya bhi to nahin

DhunDhna bhi hai use umr ki had tak 'anwar'

aur DhunDun bhi kahan koi pata bhi to nahin