bewafai usne ki meri wafa apni jagah

bevafā.ī us ne kī merī vafā apnī jagah

ḳhūn-e-dil apnī jagah rañg-e-hinā apnī jagah

kitne chehre aa.e apnā nuur kho kar chal diye

hai magar raushan abhī tak aa.ina apnī jagah

zindagī ne us ko sāhil se sadā.eñ diiñ bahut

vaqt kā dariyā magar bahtā rahā apnī jagah

us kī mahfil se mujhe ab koī nisbat hī nahīñ

hai mirī tanhā.iyoñ kā silsila apnī jagah

ham charāġhoñ se kareñge dostī kī baat ab

ye añdheroñ ne kiyā hai faisla apnī jagah

to samundar aur merī zaat ik qatra sahī

terī rahmat har taraf merī duā apnī jagah

ab to mujh ko bhī sadā dete haiñ 'dānā' kah ke log

zindagī rahne de apnā mashvara apnī jagah

bewafai us ne ki meri wafa apni jagah

KHun-e-dil apni jagah rang-e-hina apni jagah

kitne chehre aae apna nur kho kar chal diye

hai magar raushan abhi tak aaina apni jagah

zindagi ne us ko sahil se sadaen din bahut

waqt ka dariya magar bahta raha apni jagah

us ki mahfil se mujhe ab koi nisbat hi nahin

hai meri tanhaiyon ka silsila apni jagah

hum charaghon se karenge dosti ki baat ab

ye andheron ne kiya hai faisla apni jagah

to samundar aur meri zat ek qatra sahi

teri rahmat har taraf meri dua apni jagah

ab to mujh ko bhi sada dete hain 'dana' kah ke log

zindagi rahne de apna mashwara apni jagah