bhaga to bahut tha maut se main kam-baKHt ne lekin aan liya

bhāgā to bahut thā maut se maiñ kam-baḳht ne lekin aan liyā

un lākhoñ hī marne vāloñ meñ kyā jald mujhe pahchān liyā

jab qatl huā maiñ taḌpā bhī chhīñTeñ bhī uḌā.īñ maan liyā

ilzām ḳhud us par kyā ye nahīñ dāman ko na kyuuñ gardān liyā

tū aam farebī mujh se na kar ham mard haiñ sun le ai duniyā

jo muñh se kahā vo kar guzre jo Thaan liyā vo Thaan liyā

aqsām the yās-o-hasrat ke asnāf-e-umīd-e-behad ke

jab chalne lage ham duniyā se saath apne bahut sāmān liyā

jis haath se mujh ko qatl kiyā us haath kā kalima paḌhvāyā

lī jaan to ḳhair ehsān kiyā qātil ne magar īmān liyā

mai-ḳhāna hai jā-e-aish-o-tarab yaañ baiTh ke ronā kyā ma.anī

kyā muft kā apne sar tū ne ai dīda-e-tar tūfān liyā

us ghar meñ karam jab tū ne kiyā kuchh der Thahar ai tīr-e-nazar

bosa tire qadmoñ kā dil ne kis shauq se ai mehmān liyā

ārām-talab hone kā gumāñ juuyā pe tire lā-haul valā

tab paañv ko toḌe baiThā huuñ jab dasht-o-jabal ko chhān liyā

jis bhes meñ tū ho kyā parvā ā.inda na khā.egī dhokā

ai tālib-e-duniyā duniyā ne har tarah tujhe pahchān liyā

thī dhaar rag-e-gardan pe mirī siina bhī dabā thā qadmoñ se

ḳhanjar kā tire bosa ham ne muñh pher ke tā-imkān liyā

ai 'shād' abas hai us kā gilā vo hajv kare yā tujh se phire

tā-hashr rahā shāgird tirā ustād tujhe jab maan liyā

bhaga to bahut tha maut se main kam-baKHt ne lekin aan liya

un lakhon hi marne walon mein kya jald mujhe pahchan liya

jab qatl hua main taDpa bhi chhinTen bhi uDain man liya

ilzam KHud us par kya ye nahin daman ko na kyun gardan liya

tu aam farebi mujh se na kar hum mard hain sun le ai duniya

jo munh se kaha wo kar guzre jo Than liya wo Than liya

aqsam the yas-o-hasrat ke asnaf-e-umid-e-behad ke

jab chalne lage hum duniya se sath apne bahut saman liya

jis hath se mujh ko qatl kiya us hath ka kalima paDhwaya

li jaan to KHair ehsan kiya qatil ne magar iman liya

mai-KHana hai ja-e-aish-o-tarab yan baiTh ke rona kya mani

kya muft ka apne sar tu ne ai dida-e-tar tufan liya

us ghar mein karam jab tu ne kiya kuchh der Thahar ai tir-e-nazar

bosa tere qadmon ka dil ne kis shauq se ai mehman liya

aaram-talab hone ka guman juya pe tere la-haul wala

tab panw ko toDe baiTha hun jab dasht-o-jabal ko chhan liya

jis bhes mein tu ho kya parwa aainda na khaegi dhoka

ai talib-e-duniya duniya ne har tarah tujhe pahchan liya

thi dhaar rag-e-gardan pe meri sina bhi daba tha qadmon se

KHanjar ka tere bosa hum ne munh pher ke ta-imkan liya

ai 'shad' abas hai us ka gila wo hajw kare ya tujh se phire

ta-hashr raha shagird tera ustad tujhe jab man liya