bhai KHuda ke bande jaanen dil ko jaise ram kiya

bhaa.ī ḳhudā ke bande jāneñ dil ko jaise raam kiyā

apnī badhā.ī ho duniyā par chaar chhe din jo kaam kiyā

ek nishānī sī sāhil par saarī kahānī chhoḌ ga.ī

Dūbtī naav par us āḳhirī mauj ne kyā in.aam kiyā

pyāre dushman jīvan jogī āḳhir tum bhī dekh hī loge

ḳhud ko ḳhair se kahte sunoge ham ne mazāq jo aam kiyā

naam patā be-shak mat likkho pahuñchegā tum bas ḳhat likkho

aur is had tak gumnāmī meñ paidā kis ne naam kiyā

ḳhushiyāñ ġham jab hañs ro baiThe āḳhir ko sab chup ho baiThe

bujhtā alaav ūñghte taare ham ne ḳhuub kalām kiyā

kuchh mauzūñ nā-mauzūñ kartā yā yuuñ kartā to kyoñ kartā

lekin ḳhālī batri ne bharvāñ bandūq kā kaam kiyā

bhai KHuda ke bande jaanen dil ko jaise ram kiya

apni badhai ho duniya par chaar chhe din jo kaam kiya

ek nishani si sahil par sari kahani chhoD gai

Dubti naw par us aaKHiri mauj ne kya inam kiya

pyare dushman jiwan jogi aaKHir tum bhi dekh hi loge

KHud ko KHair se kahte sunoge hum ne mazaq jo aam kiya

nam pata be-shak mat likkho pahunchega tum bas KHat likkho

aur is had tak gumnami mein paida kis ne nam kiya

KHushiyan gham jab hans ro baiThe aaKHir ko sab chup ho baiThe

bujhta alaw unghte tare hum ne KHub kalam kiya

kuchh mauzun na-mauzun karta ya yun karta to kyon karta

lekin KHali batri ne bharwan banduq ka kaam kiya