bhala ho us ka jo raste mein mujhko Dal gaya

bhalā ho us kā jo raste meñ mujh ko Daal gayā

zamāna sang samajh kar mujhe uchhāl gayā

shajar bhī zor se jis ke zamīn-bos hue

vahī to jhoñkā havā kā mujhe sañbhāl gayā

taḌap rahī hai nazar aaj bhī usī ke liye

vo ek jalva jo dil ko mire ujaal gayā

mire taḌapne pe us ko mazāq sūjhā thā

hañsī hañsī meñ har ik baat merī Taal gayā

shikāyateñ thiiñ faqat un ke duur rahne tak

vo paas aa.e to dil se har ik malāl gayā

mirī tabāhī pe sab kī lagī rahīñ nazreñ

kisī kā bhī na tumhārī taraf ḳhayāl gayā

taġhayyurāt ne sab kuchh badal diyā 'ārif'

zamāna ik na.e sāñche meñ ham ko Dhaal gayā

bhala ho us ka jo raste mein mujh ko Dal gaya

zamana sang samajh kar mujhe uchhaal gaya

shajar bhi zor se jis ke zamin-bos hue

wahi to jhonka hawa ka mujhe sanbhaal gaya

taDap rahi hai nazar aaj bhi usi ke liye

wo ek jalwa jo dil ko mere ujal gaya

mere taDapne pe us ko mazaq sujha tha

hansi hansi mein har ek baat meri Tal gaya

shikayaten thin faqat un ke dur rahne tak

wo pas aae to dil se har ek malal gaya

meri tabahi pe sab ki lagi rahin nazren

kisi ka bhi na tumhaari taraf KHayal gaya

taghayyuraat ne sab kuchh badal diya 'arif'

zamana ek nae sanche mein hum ko Dhaal gaya