bhale hi mera hausla past hota

bhale hī mirā hausla past hotā

muqābil to koī zabardast hotā

guzārā to pahle bhī kartā hī thā maiñ

mazā jab thā bilkul tahī-dast hotā

tirī dast-gīrī kahāñ aur kahāñ maiñ

tirā aasrā hī sar-e-dast hotā

maiñ phūTā thā jis shāḳh par ban ke koñpal

usī shāḳh meñ kaash paivast hotā

gilass ek thā piine vaale ka.ī the

to kyā muntaqil dast-dar-dast hotā

kahīñ ham ko be-daḳhl kar de na koī

nahīñ ham se ghar kā dar-o-bast hotā

tumhī ho jo laa.e ho mujh ko yahāñ tak

na tum niich hote na maiñ past hotā

kahā tū ne maanā na afsos apnā!

bulandī pe 'rāshid' ba-yak-jast hotā

bhale hi mera hausla past hota

muqabil to koi zabardast hota

guzara to pahle bhi karta hi tha main

maza jab tha bilkul tahi-dast hota

teri dast-giri kahan aur kahan main

tera aasra hi sar-e-dast hota

main phuTa tha jis shaKH par ban ke konpal

usi shaKH mein kash paiwast hota

gilass ek tha pine wale kai the

to kya muntaqil dast-dar-dast hota

kahin hum ko be-daKHl kar de na koi

nahin hum se ghar ka dar-o-bast hota

tumhi ho jo lae ho mujh ko yahan tak

na tum nich hote na main past hota

kaha tu ne mana na afsos apna!

bulandi pe 'rashid' ba-yak-jast hota