bhale kashti se dariya muKHtalif hai

bhale kashtī se dariyā muḳhtalif hai

magar kab un kā rishta muḳhtalif hai

kahāñ jaa.eñ ye ābādī ke maare

ki sahrā meñ bhī ab kyā muḳhtalif hai

kahīñ aa kar ikaTThā hoñge kaise

jo sab kā sab se rasta muḳhtalif hai

sañvāreñ ḳhud ko ham āḳhir kahāñ tak

har ā.īne meñ chehra muḳhtalif hai

koī kaise samajh pā.egā ham ko

nazar se jab nazriya muḳhtalif hai

ta.ajjub hai samundar hī meñ rah kar

samundar se jazīra muḳhtalif hai

jahāñ se dekhtā thā koī mujh ko

abhī bhī vo darīcha muḳhtalif hai

ḳhudā ne infirādiyyat vo baḳhshī

hai jo bhī TūTā-phūTā muḳhtalif hai

bhale kashti se dariya muKHtalif hai

magar kab un ka rishta muKHtalif hai

kahan jaen ye aabaadi ke mare

ki sahra mein bhi ab kya muKHtalif hai

kahin aa kar ikaTTha honge kaise

jo sab ka sab se rasta muKHtalif hai

sanwaren KHud ko hum aaKHir kahan tak

har aaine mein chehra muKHtalif hai

koi kaise samajh paega hum ko

nazar se jab nazriya muKHtalif hai

tajjub hai samundar hi mein rah kar

samundar se jazira muKHtalif hai

jahan se dekhta tha koi mujh ko

abhi bhi wo daricha muKHtalif hai

KHuda ne infiradiyyat wo baKHshi

hai jo bhi TuTa-phuTa muKHtalif hai