bhar jaane do zara mera zarf-e-jigar abhi

bhar jaane do zarā mirā zarf-e-jigar abhī

zindān kā na kholnā tum aa ke dar abhī

utrī hai paat paat pe pāgal rutoñ kī dhuup

chuñdhiyā rahī hai is liye merī nazar abhī

muddat huī hai ātish-e-dil ko bujhe hue

sāñsoñ pe hai magar vo dhueñ kā asar abhī

uThne ko ranj-o-ġham ke bagūle haiñ dhuup meñ

sahrā-e-chashm meñ na banā rahguzar abhī

ik laaj hī nahīñ ye vafā ko ḳhirāj hai

badlī meñ chup rahā hai bhalā kyoñ qamar abhī

ya.anī ye muztarib sī nazar be-sabab nahīñ

ḳhat le ke aa rahā hai koī nāma-bar abhī

'ādil' abhī to aayā nikal kar hai chaah se

raste pe uljhanoñ ke nahīñ paañv dhar abhī

bhar jaane do zara mera zarf-e-jigar abhi

zindan ka na kholna tum aa ke dar abhi

utri hai pat pat pe pagal ruton ki dhup

chundhiya rahi hai is liye meri nazar abhi

muddat hui hai aatish-e-dil ko bujhe hue

sanson pe hai magar wo dhuen ka asar abhi

uThne ko ranj-o-gham ke bagule hain dhup mein

sahra-e-chashm mein na bana rahguzar abhi

ek laj hi nahin ye wafa ko KHiraj hai

badli mein chup raha hai bhala kyon qamar abhi

yani ye muztarib si nazar be-sabab nahin

KHat le ke aa raha hai koi nama-bar abhi

'adil' abhi to aaya nikal kar hai chah se

raste pe uljhanon ke nahin panw dhar abhi