bhari mahfil mein qissa dard ka kaise sunaungi

bharī mahfil meñ qissa dard kā kaise sunā.ūñgī

bahut roī haiñ ye āñkheñ nazar kaise milā.ūñgī

tū sochoñ kī zamīñ ke rāste tabdīl kar baiThā

maiñ ujlat meñ nishān-e-bandagī kaise miTā.ūñgī

mirī is dard kī duniyā pe mat kar sang-bārī tū

bhalā maiñ bebasī ke zaḳhm ab kaise chhupā.ūñgī

vo TuuTā aa.ina dil kā to maiñ ne rok liiñ sāñseñ

uThegī dard siine meñ to phir kaise batā.ūñgī

judā.ī kī ḳhalish paa.ī milā mujh ko visāl-e-ġham

anā kī jang jiitī bhī vafā kaise nibhā.uñgī

chale haiñ qāfile yādoñ ke vīrānoñ kī bastī meñ

banā thā ham-safar tū bhī tujhe kaise bhulā.ūñgī

baḌhīñ haiñ vahshateñ mausam kī aise rog bhī paale

bahār-e-ārzū karne dubāra kaise ā.ūñgī

bhari mahfil mein qissa dard ka kaise sunaungi

bahut roi hain ye aankhen nazar kaise milaungi

tu sochon ki zamin ke raste tabdil kar baiTha

main ujlat mein nishan-e-bandagi kaise miTaungi

meri is dard ki duniya pe mat kar sang-bari tu

bhala main bebasi ke zaKHm ab kaise chhupaungi

wo TuTa aaina dil ka to main ne rok lin sansen

uThegi dard sine mein to phir kaise bataungi

judai ki KHalish pai mila mujh ko visal-e-gham

ana ki jang jiti bhi wafa kaise nibhaungi

chale hain qafile yaadon ke viranon ki basti mein

bana tha ham-safar tu bhi tujhe kaise bhulaungi

baDhin hain wahshaten mausam ki aise rog bhi pale

bahaar-e-arzu karne dubara kaise aaungi