bhari mahfil mein ruswa ho gae the

bharī mahfil meñ rusvā ho ga.e the

hamī ghar ghar kā charchā ho ga.e the

ye kis ne piiTh par ḳhanjar chalāyā

sabhī dushman to paspā ho ga.e the

kisī mauj-e-sabā ke muntazir the

chaman ke phuul tanhā ho ga.e the

vo kis hastī ke lab kī jumbihsoñ se

kabhī patthar bhī goyā ho ga.e the

imārat juuñ kī tuuñ lagtī thī lekin

dar-o-dīvār murda ho ga.e the

tirī in jhiil sī āñkhoñ ke andar

samundar the jo sahrā ho ga.e the

bhari mahfil mein ruswa ho gae the

hami ghar ghar ka charcha ho gae the

ye kis ne piTh par KHanjar chalaya

sabhi dushman to paspa ho gae the

kisi mauj-e-saba ke muntazir the

chaman ke phul tanha ho gae the

wo kis hasti ke lab ki jumbihson se

kabhi patthar bhi goya ho gae the

imarat jun ki tun lagti thi lekin

dar-o-diwar murda ho gae the

teri in jhil si aankhon ke andar

samundar the jo sahra ho gae the