bhari mahfil mein zabt-e-gham ba-asani bhi karte hain

bharī mahfil meñ zabt-e-ġham bā-āsānī bhī karte haiñ

magar tanhā.ī meñ ashkoñ kī arzānī bhī karte haiñ

miyāñ ham ḳhāksārī meñ javāb apnā nahīñ rakhte

zarūrat aa paḌe to phir hama-dānī bhī karte haiñ

unheñ mat dekheñ ahl-e-dil hiqārat kī nigāhoñ se

faqīrān-e-haram shahroñ pe sultānī bhī karte haiñ

shikāyat be-sabab karte haiñ apne gum-shuda dil kī

kabhī aap apnī chīzoñ kī nigahbānī bhī karte haiñ

khaḌe haiñ sab saf-e-insāniyat meñ haath bāñdhe par

zarā socheñ kabhī kyā kār-e-insānī bhī karte haiñ

yahī kaasa liye 'ḳhurshīd' jo phirte haiñ galiyoñ meñ

yahī jab vaqt aa jaa.e to man-mānī bhī karte haiñ

bhari mahfil mein zabt-e-gham ba-asani bhi karte hain

magar tanhai mein ashkon ki arzani bhi karte hain

miyan hum KHaksari mein jawab apna nahin rakhte

zarurat aa paDe to phir hama-dani bhi karte hain

unhen mat dekhen ahl-e-dil hiqarat ki nigahon se

faqiran-e-haram shahron pe sultani bhi karte hain

shikayat be-sabab karte hain apne gum-shuda dil ki

kabhi aap apni chizon ki nigahbani bhi karte hain

khaDe hain sab saf-e-insaniyat mein hath bandhe par

zara sochen kabhi kya kar-e-insani bhi karte hain

yahi kasa liye 'KHurshid' jo phirte hain galiyon mein

yahi jab waqt aa jae to man-mani bhi karte hain