bharosa har kisi ka kho chuke hain

bharosa har kisī kā kho chuke haiñ

sar-e-bāzār rusvā ho chuke ho chuke haiñ

ġhulāmī kar rahe haiñ ḳhvāhishoñ kī

diloñ kī hukmrānī kho chuke haiñ

tavaqqo' hai mohabbat ke samar kī

agarche fasl-e-nafrat bo chuke haiñ

na rakh in se madad kī aas koī

zamīr in sab ke murda ho chuke haiñ

bhalā bāhar se kaise saaf hoñge

ye jab andar se maile ho chuke haiñ

sadāqat bhā.ī-chāra pyaar uḳhuvvat

ye sab maazī ke qisse ho chuke haiñ

jahāñ par kufr haavī ho rahā hai

ye lagtā hai musalmāñ so chuke haiñ

najāt ab to mile ranj-o-alam se

dukhoñ kā bojh kaafī Dho chuke haiñ

jo maut aa.e to rāhat ho mayassar

pareshāñ zindagī se ho chuke haiñ

magar vo sang-dil ab tak na pighlā

ka.ī baar us ke aage ro chuke haiñ

natīje meñ ham apnī ġhaflatoñ ke

vaqār ai 'shād' apnā kho chuke haiñ

bharosa har kisi ka kho chuke hain

sar-e-bazar ruswa ho chuke ho chuke hain

ghulami kar rahe hain KHwahishon ki

dilon ki hukmrani kho chuke hain

tawaqqo' hai mohabbat ke samar ki

agarche fasl-e-nafrat bo chuke hain

na rakh in se madad ki aas koi

zamir in sab ke murda ho chuke hain

bhala bahar se kaise saf honge

ye jab andar se maile ho chuke hain

sadaqat bhai-chaara pyar uKHuwwat

ye sab mazi ke qisse ho chuke hain

jahan par kufr hawi ho raha hai

ye lagta hai musalman so chuke hain

najat ab to mile ranj-o-alam se

dukhon ka bojh kafi Dho chuke hain

jo maut aae to rahat ho mayassar

pareshan zindagi se ho chuke hain

magar wo sang-dil ab tak na pighla

kai bar us ke aage ro chuke hain

natije mein hum apni ghaflaton ke

waqar ai 'shad' apna kho chuke hain