bharosa kar liya jis par usi ne hum ko luTa hai

bharosa kar liyā jis par usī ne ham ko luuTā hai

kahāñ tak naam ginvā.eñ sabhī ne ham ko luuTā hai

kabhī baḌh kar hamārā rāsta rokā añdheroñ ne

kabhī manzil dikhā kar raushnī ne ham ko luuTā hai

jo luTte maut ke hāthoñ to koī ġham nahīñ hotā

sitam is baat kā hai zindagī ne ham ko luuTā hai

hamārī bebasī par muskurā kar dekhne vaalo

tumhāre shahr kī ek ek galī ne ham ko luuTā hai

bharosa kar liya jis par usi ne hum ko luTa hai

kahan tak nam ginwaen sabhi ne hum ko luTa hai

kabhi baDh kar hamara rasta roka andheron ne

kabhi manzil dikha kar raushni ne hum ko luTa hai

jo luTte maut ke hathon to koi gham nahin hota

sitam is baat ka hai zindagi ne hum ko luTa hai

hamari bebasi par muskura kar dekhne walo

tumhaare shahr ki ek ek gali ne hum ko luTa hai