bhaTak rahi hai ata KHalq-e-be-aman phir se
bhaTak rahī hai 'atā' ḳhalq-e-be-amāñ phir se
saroñ se khīñch liye kis ne sā.ebāñ phir se
diloñ se ḳhauf nikaltā nahīñ azāboñ kā
zamīñ ne oḌh liye sar par āsmāñ phir se
maiñ terī yaad se niklā to apnī yaad aa.ī
ubhar rahe haiñ miTe shahr ke nishāñ phir se
tirī zabāñ pe vahī harf-e-anjuman-ārā
mirī zabāñ pe vahī harf-e-rā.egāñ phir se
abhī hijāb sā haa.il hai darmiyāñ meñ 'atā'
abhī to hoñge lab-o-harf rāz-dāñ phir se
bhaTak rahi hai 'ata' KHalq-e-be-aman phir se
saron se khinch liye kis ne saeban phir se
dilon se KHauf nikalta nahin azabon ka
zamin ne oDh liye sar par aasman phir se
main teri yaad se nikla to apni yaad aai
ubhar rahe hain miTe shahr ke nishan phir se
teri zaban pe wahi harf-e-anjuman-ara
meri zaban pe wahi harf-e-raegan phir se
abhi hijab sa hail hai darmiyan mein 'ata'
abhi to honge lab-o-harf raaz-dan phir se
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
