bhulai ja nahin sakti kabhi bhi ganw ki miTTi

bhulā.ī jā nahīñ saktī kabhī bhī gaañv kī miTTī

jahāñ paalā thā mujh ko maañ ne vo thī gaañv kī miTTī

mire daadā ko aur daadī ko jitnī pyārī lagtī thī

mujhe bhī lagtī hai utnī hī pyārī gaañv kī miTTī

tumhāre shahr se mujh ko mohabbat ḳhuub hai yaaro

magar ghar khīñch laatī hai ye ab bhī gaañv kī miTTī

laḌakpan meñ maiñ so jaatā thā us kī god meñ aksar

mujhe maañ kī tarah lagtī thī pyārī gaañv kī miTTī

jinhoñ ne gaañv Thukrāyā thā apnā shahr kī ḳhātir

unheñ bhī yaad aatī hai bahut hī gaañv kī miTTī

mahal ko chhoḌ kar jab raam jī van ko chale the tab

vo ghar se van meñ le aa.e tanik sī gaañv kī miTTī

na.e laḌko pitā ke baa'd us ko tum bachā lenā

virāsat meñ milegī tum ko jo bhī gaañv kī miTTī

ye duniyā chhoḌ kar jab bhī maiñ apne gaañv se jā.ūñ

lagā denā mire māthe pe bhaa.ī gaañv kī miTTī

bhulai ja nahin sakti kabhi bhi ganw ki miTTi

jahan pala tha mujh ko man ne wo thi ganw ki miTTi

mere dada ko aur dadi ko jitni pyari lagti thi

mujhe bhi lagti hai utni hi pyari ganw ki miTTi

tumhaare shahr se mujh ko mohabbat KHub hai yaro

magar ghar khinch lati hai ye ab bhi ganw ki miTTi

laDakpan mein main so jata tha us ki god mein aksar

mujhe man ki tarah lagti thi pyari ganw ki miTTi

jinhon ne ganw Thukraya tha apna shahr ki KHatir

unhen bhi yaad aati hai bahut hi ganw ki miTTi

mahal ko chhoD kar jab ram ji wan ko chale the tab

wo ghar se wan mein le aae tanik si ganw ki miTTi

nae laDko pita ke ba'd us ko tum bacha lena

wirasat mein milegi tum ko jo bhi ganw ki miTTi

ye duniya chhoD kar jab bhi main apne ganw se jaun

laga dena mere mathe pe bhai ganw ki miTTi