bhuk se bachche bilakte hain na jaane kitne
bhuuk se bachche bilakte haiñ na jaane kitne
aur paanī meñ bahā dete haiñ daane kitne
ik tamannā kā huā ḳhuun to kyā ġham ai dost
dafn haiñ siine meñ armān na jaane kitne
kabhī auroñ kī kabhī apnī himāqat ke tufail
haath aate rahe hañsne ke bahāne kitne
zindagī ek haqīqat bhī hai afsāna bhī
har galī-kūche meñ bikhre haiñ fasāne kitne
ik gul-e-tāza kī taḳhlīq meñ ai gulchīno
jaane qudrat ne luTā.e haiñ ḳhazāne kitne
merī rūdād ko sab apnā fasāna samjhe
ik fasāne meñ haiñ poshīda fasāne kitne
hausla baḳhshā hai jiine kā unhī ḳhvāboñ ne
ham ne dekhe haiñ 'ḳhalish' ḳhvāb suhāne kitne
bhuk se bachche bilakte hain na jaane kitne
aur pani mein baha dete hain dane kitne
ek tamanna ka hua KHun to kya gham ai dost
dafn hain sine mein arman na jaane kitne
kabhi auron ki kabhi apni himaqat ke tufail
hath aate rahe hansne ke bahane kitne
zindagi ek haqiqat bhi hai afsana bhi
har gali-kuche mein bikhre hain fasane kitne
ek gul-e-taza ki taKHliq mein ai gulchino
jaane qudrat ne luTae hain KHazane kitne
meri rudad ko sab apna fasana samjhe
ek fasane mein hain poshida fasane kitne
hausla baKHsha hai jine ka unhi KHwabon ne
hum ne dekhe hain 'KHalish' KHwab suhane kitne
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
